चाकण बाजारात तोतापुरी कैऱ्यांसह पालेभाज्यांची विक्रमी आवक,.
सत्यविचार न्युज :
खेड कृषी उत्पन्न बाजार समितीच्या चाकण येथील महात्मा फुले मार्केटयार्ड मध्ये तोतापुरी कैऱ्यांसह पालेभाज्यांची विक्रमी आवक झाली. कांदा व बटाट्याची आवक घटूनही भावात घसरण झाली. लसणाची आवक स्थिर राहूनही भावात घट झाली. शेवगा, वाटाणा व गाजराचे भाव या आठवड्यात स्थिर राहिले आहेत. फळभाज्यांच्या बाजारात हिरवी मिरची, वालवड व वांग्याचे भाव तेजीत राहिले आहेत. पालेभाज्यांच्या बाजारात मेथी, कोथिंबीर, शेपू व पालक भाजीची प्रचंड आवक झाली. जनावरांच्या बाजारात जर्शी गाई, बैल, म्हैस व शेळ्या – मेंढ्या यांच्या संख्येत मोठी वाढ झाली. एकूण उलाढाल ५ कोटी, ६० लाख रुपये झाली.
चाकण येथील बाजारात कांद्याची एकूण आवक ९ हजार ७५० क्विंटल झाली. गेल्या आठवड्याच्या तुलनेत ही आवक १०,७५० क्विंटलने घटूनही भावात १०० रुपयांची घट झाली. कांद्याचा कमाल भाव १,७०० रुपयांवरून १,६०० रुपयांवर स्थिरावला. बटाट्याची एकूण आवक १,४०० क्विंटल झाली. गेल्या आठवड्याच्या तुलनेत ही आवक ३५० क्विंटलने घटूनही भावात २०० रुपयांची घट झाली. बटाट्याचा कमाल भाव २,२०० रुपयांवरून २,००० रुपयांवर स्थिरावला. जळगाव भुईमुग शेंगा व बंदूक भूईमुग शेंगांची काहीच आवक झाली नाही. लसणाची एकूण आवक ३० क्विंटल झाली. गेल्या आठवड्याच्या तुलनेत ही आवक स्थिर राहूनही भावात ४ हजार रुपयांची घट झाली. लसणाचा कमाल भाव १६ हजार रुपयांवरून १२ हजार रुपयांवर स्थिरावला. हिरव्या मिरचीची एकूण आवक २९५ क्विंटल झाली. गेल्या आठवड्याच्या तुलनेत ही आवक ३० क्विंटलने घटल्याने भावात मोठी वाढ झाली. हिरव्या मिरचीला ६ हजार रुपयांपासून ते ७ हजार ५०० रुपयांपर्यंत भाव मिळाला.
शेतीमालाची आवक व बाजारभाव पुढील प्रमाणे –
कांदा – एकूण आवक – ९,७५० क्विंटल.
भाव क्रमांक १. १,६०० रुपये,
भाव क्रमांक २. १,४०० रुपये,
भाव क्रमांक ३. १,००० रुपये.
बटाटा – एकूण आवक – १,४०० क्विंटल.
भाव क्रमांक १. २,००० रुपये,
भाव क्रमांक २. १,७०० रुपये,
भाव क्रमांक ३. १,४०० रुपये.
