सत्यविचार न्यूज :
दरवर्षी 26 जुलै हा दिवस कारगिल विजय दिवस म्हणून साजरा केला जातो. यानिमित्ताने देशातील हुतात्म्यांचे स्मरण करून त्यांना अभिवादन केले जाते.
![](https://satyavichar.in/wp-content/uploads/2024/07/1000608598-1024x771.jpg)
भारत आणि पाकिस्तान अनेकदा आंतरराष्ट्रीय मंचावर अनेक मुद्द्यांवर आमनेसामने येतात. पण एक वेळ अशी आली जेव्हा भारताच्या शूर सैनिकांनी कारगिलची उंच शिखरे पाकिस्तानच्या ताब्यातून मुक्त केली. यासाठी देशाच्या वीरांनी आपल्या प्राणांची आहुती द्यावी लागली. या युद्धात अनेक जवान शहीद झाले. मात्र, कारगिल युद्ध भारताने जिंकले. हे दिवस इतिहासाच्या पानांवर गौरवाचे दिवस आहेत.
भारतीय लष्कराचा सन्मान करण्याचा हा दिवस आहे. त्यामुळे दरवर्षी 26 जुलै हा दिवस कारगिल विजय दिवस (Kargil Vijay Diwas 2024) म्हणून साजरा केला जातो. यानिमित्ताने देशातील हुतात्म्यांचे स्मरण करून त्यांना अभिवादन केले जाते.
![](https://satyavichar.in/wp-content/uploads/2024/07/1000608601-1-1024x768.jpg)
राजगुरुनगर (ता.खेड) येथे हुतात्मा राजगुरू स्मारक या ठिकाणी योद्धा माजी सैनिक संघटनेच्या वतीने खेड तालुक्यातील आजी-माजी सैनिकांनी एकत्र येऊन कारगिल विजय दिवस साजरा केला.
कार्यक्रमाचे मुख्य अतिथी आमदार दिलीप मोहिते पाटील यांच्या हस्ते ध्वजारोहण करण्यात आले.
कारगिल युद्धातील शहीद सैनिकांना उपस्थित सर्व सैनिकांच्या वतीने भावपूर्ण श्रद्धांजली अर्पण करण्यात आली.
तसेच विजय उत्सवाच्या निमित्ताने भारत माता की जय अशा घोषणा देण्यात आल्या. उपस्थित सैनिकांना जाधव यांनी मार्गदर्शन केले, आज कार्यक्रमांमध्ये योध्दा सैनिक संघटनेचे संस्थापक अध्यक्ष साहेबराव नारायण जाधव राष्ट्रीय आपत्ती प्रतिसाद दल एनडीआरएफ च्या वतीने त्यांच्या सेवेत असताना केलेल्या उत्कृष्ट कार्याबद्दल प्रशंसा पदक महानिर्देशक पदक देऊन गौरविण्यात आले.
उपस्थित सर्वांचे आभार साहेबराव जाधव यांनी मानले.
![](https://satyavichar.in/wp-content/uploads/2024/07/1000608598-1-1024x771.jpg)