नामदेवराव मोहोळ विद्या व क्रीडा प्रतिष्ठान पुणे संचलित माध्यमिक विद्यालय पाडळी, काळेचीवाडी ता. खेड जि. पुणे या विद्यालयामध्ये गुरुपौर्णिमा साजरी करण्यात आली.
कार्यक्रमास विद्यालयाचे मुख्याध्यापक श्री. विजयकुमार बोरसे सर, श्री अडवळे सर, श्री पाटील सर ,श्री सैद सर, श्री होले सर, श्रीम. पाटोळे मॅडम, श्रीम. सावंत मॅडम , सौ. मुळे मॅडम, संस्कृतिक विभाग प्रमुख सौ. कोबल मॅडम/ तोडकर मॅडम व शिक्षकेत्तर कर्मचारी यांच्या समवेत सहजयोग परिवाराचे मार्गदर्शक श्री. जाधव सर, सौ.जाधव मॅडम,सौ सुनिता वाळुंज मॅडम, सौ.थिगळे मॅडम उपस्थित होते.
कार्यक्रमाचे अध्यक्षस्थान श्री. जाधव सर यांनी भूषविले. सदर कार्यक्रमांमध्ये विद्यालयातील इयत्ता पाचवी ते दहावीच्या विद्यार्थ्यांनी गुरुप्रती आपली निष्ठा आणि कृतज्ञता व्यक्त केली. सर्व मान्यवरांचा व संपूर्ण स्टाफचा विद्यार्थ्यांनी सन्मान करून गुरूंच्याप्रती असलेला आपला आदरभाव, कृतज्ञता व्यक्त केली. विद्यार्थ्यांनी अनेक उदाहरणे देऊन गुरूंबद्दल आपले मनोगत व्यक्त केले. काही विद्यार्थिनींनी गुरूंबद्दल गीत सादर केले.
![](https://satyavichar.in/wp-content/uploads/2024/07/1000608749.jpg)
स्टाफ च्या वतीने सांस्कृतिक विभाग प्रमुख सौ. कोबल मॅडम / तोडकर मॅडम यांनी अध्यात्मातील दाखला देऊन गुरु-शिष्याचं नातं, गुरूंबद्दल असलेली निष्ठा, आणि आई व वडील प्रथम गुरू याबाबतचे विचार आपल्या मनोगतातून व्यक्त केले. व विद्यार्थ्यांना मार्गदर्शन केले.
कार्यक्रमाचे अध्यक्ष श्री. जाधव सर यांनी विद्यार्थ्यांना व्यक्तीच्या जीवनात असलेले गुरुचे स्थान किती महत्त्वपूर्ण आहे हे सांगून ,आईवडिलांची सेवा करून त्यांच्याप्रती असलेली निष्ठा व्यक्त करा असे मार्गदर्शन केले.
सदर कार्यक्रमाचे संपूर्ण नियोजन सांस्कृतिक विभागाच्या मार्गदर्शनाने इयत्ता दहावीच्या विद्यार्थ्यांनी केले. कार्यक्रमाचे सूत्रसंचलन इयत्ता दहावीची विद्यार्थिनी प्रिया वाळुंज व पायल तळेकर या विद्यार्थिनींनी केले. अनुमोदन श्रावणी सातकर व समीक्षा काळे या विद्यार्थिनीने उपस्थित मान्यवरांचे आभार मानले. व अध्यक्षांच्या परवानगीने कार्यक्रमाची सांगता करण्यात आली.
![](https://satyavichar.in/wp-content/uploads/2024/07/1000608749-1.jpg)