![](https://satyavichar.in/wp-content/uploads/2024/07/1000607594-1024x576.jpg)
भेगा पडल्याने कोकणाच्या बाजूची दरड केव्हाही कोसळणार.
खेडचा पश्चिम भागात , सह्याद्रीच्या पर्वतरांगांमध्ये गेली तीन दिवसापासून पडत असलेल्या संततधार पावसामुळे या भागात पुर ,दरडी कोसळण्याच्या प्रकारामध्ये वाढ झालेली आहे अशातच पदरवाडीच्या पुनर्वसनाचा प्रश्न पुन्हा ऐरणीवर आला आहे. मंगळवारपासून सुरू असलेला संतदार पावसामुळे पदरवाडी. पूर्ण भीतीच्या छायेत आहे. या ठिकाणी असलेली दहा ते बारा कुटुंबातील ७५ लहान मोठी माणसे जीव मोठे घेऊन रात्र काढत आहेत .समोरच अजस्त्र असा डोंगर आणि खाली तेवढीच मोठी दरी असलेल्या या पदरवाडी करांना गेली सहा वर्षापासून पुनर्वसनाची प्रतीक्षा आहे.
![](https://satyavichar.in/wp-content/uploads/2024/07/1000607592-768x1024.jpg)
मागील पावसाळ्यात या गावाच्या खालील बाजूस२०० – ३०० मीटरच्या पाच ते दहा फुटी भेगा पडल्या असून आता नव्याने उभ्या भेगा गावाजवळ पडायला सुरुवात झाली आहे त्यामुळे सर्व ग्रामस्थ भीतीच्या छायेखाली आहेत . या आदिवासी नागरिकांनी डोंगराच्या बाजूला असरा घेतला असून दरड कोसळण्याची भीती असल्याने ते जीव मुठीत घेऊन बसले आहेत. गुरुवारी रात्रीपासून पडत असल्या पावसामुळे वर असलेल्या दोन ते तीन हजार फूट उंचीच्या डोंगरावरून प्रचंड पाणी वाहत असून खाली पडलेल्या भेगा यामुळे वस्ती सोडता येत नाही. झाडे दरीच्या बाजूने पूर्ण झुकली असून दरडी कोसळण्याच्या पूर्वीचा हा धोक्याचा इशारा आहे . तरी प्रशासन मात्र ठीम्म आहे. तहसीलदार त्यांना भीमाशंकर इथे स्थलांतर करण्यासाठी व्हाट्सअप वर नोटीसा बजावत आहे ,परंतु रस्ते निखळल्याने आणि पाण्याचे मोठे धबधबे असल्याने त्यांना वरही येता येत नाही. इकडे आड तिकडे विहीर पेक्षाही भयानक परिस्थितीत पदर वाडीकर आहेत. त्यांना रेस्क्यू करण्यासाठी एकही अधिकारी अजूनही तिकडे फिरकला नाही . तहसील कार्यालयातील अधिकारी जागेवर बसून नोटिसा बजावत आहेत.
![](https://satyavichar.in/wp-content/uploads/2024/07/1000607591-768x1024.jpg)
खेड तहसीलदारांनी पदरवाडीकरांणा दिलासा देण्याऐवजी आपत्ती व्यवस्थापनाच्या नावाखाली तिथे घरांची दुरुस्ती किंवा गवत कापणी वगैरे केल्यास अधिनियम २००५अन्वये कारवाईची नोटीस बजावली आहे, येथील नागरिक सांगत आहेत तसेच पुनर्वसन करायचे नाही वरून कारवाईची नोटीस पाठवल्याने पदरवाडीकरांनी संतप्त भावना व्यक्त करत पदरवाडी न सोडण्याचा निर्णय घेतला आहे. त्यामुळे येथील मंडळ अधिकाऱ्यांनी पाठवलेले नोटीसही ग्रामस्थांनी धुडकावली आहे. भीमाशंकर येथे या कुटुंबाला धर्मशाळेत ठेवण्याचा निर्णय प्रशासनाने घेतला आहे. परंतु गेली सहा वर्षापासून त्यांचे कायमचे पुनर्वसन केले गेले नसल्यामुळे मागील वर्षी खेड तहसील समोर सार्वजनिक उपोषण सुद्धा केले होते , आमदार दिलीप मोहिते यांनी विधानसभेत तारांकित प्रश्न केल्यानंतरही , प्रशासनाला गेले सहा महिने कुठलेही कारवाई करता आली नाही सध्या चालू असलेला पावसात एकही अधिकारी पदवाडीला फिरकला नाही .फक्त व्हाट्सअप वर नोटीसा पाठवण्याचे काम तहसील कार्यालय करत असल्याचे सोमनाथ दिवाळे यांनी सांगितले. तर दत्ता डामसे यांनी पहिले आमचे पुनर्वसन करा तरच आम्ही पदरवाडी सोडू अशा संतप्त भावना व्यक्त केल्या. पदरवाडीच्या पुनर्वसनाबाबत केली अनेक वर्ष हे आदिवासी नागरिक लढा देत आहेत परंतु सरकार दरबारी त्याची कुठली दखल न घेतल्याने या ७५ आदिवासी माणसांच्या जीवन मरणाचा मात्र प्रश्न उभा राहिला आहे.
![](https://satyavichar.in/wp-content/uploads/2024/07/IMG-20240726-WA0026-1-768x1024.jpg)