पुण्याच्या खेड तालुक्यातील बिरदवडी येथे 7 जण इमारतीच्या टेरेसवर अडकले
पुणे : पुण्यात मागच्या 24 तासांपासून पावसाने थैमान घातले आहे. या मुसळधार पावसामुळे ठिकठिकाणी पाणी साचले असून बरेच पूल पाण्याखाली गेले आहेत. एवढेच नाहीतर काही इमारती देखील पाण्याखाली गेल्या आहेत. पुण्याच्या खेड तालुक्यातील बिरदवडी या ठिकाणी मुसळधार पावसामुळे 7 जण इमारतीच्या टेरेसवर अडकले आहेत. या घटनेची माहिती मिळताच खेड महसूल विभाग आणि रेक्स्यू टिम तातडीने घटनास्थळी दाखल झाली असून त्या सात जणांना बाहेर काढण्याचे प्रयत्न सुरू आहेत.
प्रशासनाने नागरिकांना केले आवाहन
पुणे शहर, पिंपरी चिंचवडसह जिल्ह्याच्या ग्रामीण भागातील नागरिकांनी आवश्यक ती काळजी घेण्याचे व आपत्कालीन परिस्थितीत तात्काळ नजीकच्या प्रशासकीय यंत्रणेशी संपर्क साधण्याचे तसेच महत्त्वाच्या कारणाशिवाय घराबाहेर पडणे टाळावे, असे आवाहन करण्यात आले आहे.
‘हे’ पूल बंद ठेवण्यात आले
पुण्यातील शाळांना सुट्ट्या देण्यात आल्या आहेत. पुण्यातील भिडे पूल पाण्याखाली गेला आहे. गरवारे कॉलेजमधील खिल्लारे वस्ती कॉलेज परिसर, शितळा देवी मंदिर, डेक्कन, संगम पूल समोरील वस्ती, कॉर्पोरेशन जवळील पूल बंद करण्याचे आदेश देण्यात आले आहेत.
![](https://satyavichar.in/wp-content/uploads/2024/07/1000604004-1024x558.png)