आषाढीनिमित्त महाळुंगे येथील समर्थ ज्योती मध्ये बाल वारकऱ्यांनी अनुभवली पंढरीची वारी
सत्यविचार न्युज :
आषाढी एकादशीनिमित्त महाळुंगे येथील समर्थ ज्योतीच्या वतीने आषाढी एकादशीनिमित्त काढलेल्या दिंडीने परिसर विठ्ठलमय झाला. टाळ, मृदुंग, ढोल, ताशांचा गजर व विठुरायाच्या नामघोषात बाल वारकरी तल्लीन झाले होते. विद्यार्थ्यांनी पारंपरिक रिंगण, भक्तिगीते, हरिपाठ, अभंग सादर केले. तसेच टाळ मृदुंगाच्या गजरात ‘पाऊले चालती.. पंढरीची वाट’, असे म्हणत विद्यार्थ्यांनी दिंडीचा अनुभव घेतला.
यावेळी विद्यार्थ्यांनी कीर्तन, भारुड, अभंग, संतांच्या जीवनातील प्रसंग, नाट्यछटा, विठ्ठलाची आरती, नृत्य, विविध संतांची महती गाण्यांद्वारे दाखविली.
यावेळी विद्यार्थ्यांनी विविध संतांच्या वेशभूषा केलेल्या होत्या. भारुडातून ‘ पाणी वाचवा ‘ संदेश देण्यात आला. तसेच पर्यावरण वाचवा झाडे लावा पाणी जिरवा, स्वच्छता राखा हा संदेश देण्यात आला.
वारकरी संप्रदायाचा देखावाही तयार करण्यात आला होता.
समर्थ ज्योती संस्थेच्या वतीने सर्व विद्यार्थ्यांचे आणि त्यांच्या पालकांचे कौतुक करण्यात आले.
विद्यार्थ्यांची कार्यक्रमाची तयारी सांस्कृतिक विभाग प्रमुख यांनी सर्व शिक्षकांच्या मदतीने करून घेतली.
