Maharashtra Rain: राज्यात पुढील १२ तासांसाठी मुसळधार पावसाचा हाय अलर्ट, मुंबईत धो-धो, वाचा Weather Report
Maharashtra Monsoon News & Update Today 18 July:
राज्यात पुढील १२ तासांसाठी हाय अलर्ट जारी करण्यात आला आहे. तर मुंबईतही मुसळधार पावसाचा इशारा देण्यात आला आहे. त्याशिवाय रायगड आणि रत्नागिरीला पावसाचा रेड अलर्ट जारी करण्यात आला आहे. वाचा आजचा वेदर रिपोर्ट
मुंबईसह राज्यात सकाळपासूनच मुसळधार पाऊस बरसतो आहे. तर, हवामान विभागाने राज्यात पुढील १२ तासांसाठी हाय अलर्ट जारी केला आहे. ज्या जिल्ह्यांना अलर्ट देण्यात आला आहे त्या भागात आज जोरदार पाऊस कोसळण्याची शक्यता आहे. राज्यात १९ जुलैपर्यंत मुसळधार पावसाची शक्यता वर्तवण्यात आली होती. त्यानुसार, काल दुपारनंतर पावसाने जोर धरला, तर आज सकाळपासून मुंबईसह राज्याच्या अनेक भागात मुसळधार पाऊस कोसळतो आहे.
मुंबईसाठी पुढील २४ तास महत्त्वाचे
तर, पुढील २४ तासात मुंबई शहर आणि उपनगरात मध्यम ते मुसळधार पाऊस मुसळधार होणार असल्याचा अंदाज वर्तवण्यात आला आहे. यादरम्यान, मुंबईत काही ठिकाणी अति मुसळधार पावसाची दाट शक्यता आहे. त्याशिवाय ठाणे, पालघर, सिंधुदुर्ग, पुणे, कोल्हापूर, परभणी, वर्धा, अमरावती आणि सातारा या जिल्ह्यांसाठी हवामान खात्याने दिला ऑरेंज अलर्ट जारी केला आहे. तर, रत्नागिरीला पावसाचा रेड अलर्ट जारी करण्यात आला आहे. पुणे, कोल्हापूर, सातारा जिल्ह्यांलाही हवामान खात्याने पावसाचा ऑरेंज अलर्ट दिला आहे.
मुंबईला पावसाचा येलो अलर्ट जारी करण्यात आला आहे. मुंबईत पुढील ३-४ तास पावसाची संततधार कायम राहणार असल्याची माहिती हवामान खात्याने दिली आहे. मध्यरात्रीपासून मुंबईत ठिकठिकाणी मुसळधार पाऊस बरसतो आहे. सकाळी ५.३० वाजेपर्यंत दक्षिण मुंबईत ५१.८ मिमी पावसाची नोंद तर पश्चिम उपनगरात २७ मिमी पावसाची नोंद करण्यात आली आहे. तर, उल्हासनगर, अंबरनाथ बदलापूरमध्येही पहाटेपासून जोरदार पाऊस सुरु आहे.
रायगड-रत्नागिरीला रेड अलर्ट
रायगड जिल्ह्यात जोरदार पाऊस सुरु असून आजही तिथे पावसाचा रेड अलर्ट देण्यात आला आहे. सततच्या पावसामुळे रायगडमध्ये पूरस्थिती निर्माण झाली असून प्रशासन अलर्ट मोडवर काम करत आहे. तर रत्नागिरीलाही रेड अलर्ट जारी करण्यात आला आहे. कोकणात पुढील काही दिवस अतिवृष्टीचा इशारा देण्यात आला आहे. त्यामुळे नागरिकांना सतर्क राहण्याचं आवाहन करण्यात आलं आहे. त्याशिवाय, उत्तर आणि मध्य महाराष्ट्रालाही मुसळधार पावसाचा इशारा देण्यात आला आहे. तर विदर्भातही पावसाचा जोर वाढेल.
