Pune: पुण्यात महामार्गावर होर्डिंग कोसळलं, दोघे जखमी
सत्यविचार न्यूज :
ठळक बातम्यापुणे
आज सायंकाळच्या सुमारास वादळी वाऱ्यासह अचानक आलेल्या जोराच्या पावसाने नागरिकांची तारांबळ उडाली. अशातच पुणे सोलापूर महामार्गालगत असणार एक होर्डिंगही कोसळलं. लोणी काळभोर परिसरातील कवडीपाट टोलनाक्याजवळ असलेल्या गुलमोहर लॉन्स येथे आज दुपारी चार वाजण्याच्या सुमारास ही घटना घडली. त्या दुर्घटनेत दोघे जखमी झाले आहेत. तर एका घोड्याला मार लागला आहे.
मुंबई होर्डिंग कोसळून झालेल्या दुर्घटनेनंतर राज्यभरातील होर्डिंग बाबत आवाज (Pune)उठवला जात आहे. अनधिकृत होर्डिंग चा मुद्दा ऐरणीवर आला आहे. मात्र वारंवार सांगूनही प्रशासन दाद देत नसल्याचेही समोर आलं आहे. अशातच होर्डिंग कोसळल्याची आणखी एक घटना घडल्याने हा मुद्दा पुन्हा ऐरणीवर आला आहे.
या दुर्घटनेत भरत साबळे (वय-५७, रा. येरवडा, पुणे) आणि अक्षय कोरवी (वय -27, रा. पुणे) हे दोघे जखमी झाले आहेत. याप्रकरणी अधिक माहिती अशी की, सोलापूर महामार्गाला लागून असलेल्या गुलमोहर लॉन्स या ठिकाणी एक कार्यक्रम होता. या कार्यक्रमासाठी पुण्यातील बँड पथक त्या ठिकाणी आलं होतं. दरम्यान कार्यक्रम सुरू असताना वाजंत्री वाजवत बसले होते. तर जवळच असणाऱ्या झाडाखाली घोडा बांधला होता.
दरम्यान आज सायंकाळी सव्वा चार वाजण्याच्या सुमारास वादळी वाऱ्यासह मुसळधार पावसाला सुरुवात झाली. सोसाट्याच्या वाऱ्यामुळे महामार्गालगत असणार आणि धोकादायक रित्या बांधलेलं भल्ले मोठे होर्डिंग कोसळले. या होर्डिंगखाली भरत साबळे व अक्षय कोरवी हे दोघे सापडले. तेव्हा या दोघांना नागरिकांनी तातडीने बाहेर काढले व उपचारासाठी दवाखान्यात दाखल केले. तर या दुर्घटनेत घोडाही जखमी झाला आहे.
