सरपंचांनी दिला ज्येष्ठ नागरिकांना मान, महानगगाव निघोजे ग्रामपंचायत येथे ज्येष्ठ नागरिक यांच्या हस्ते ध्वजारोहण.
![](https://satyavichar.in/wp-content/uploads/2024/01/IMG-20240127-WA0079-1024x768.jpg)
राजगुरूनगर प्रतिनिधी: ज्येष्ठ नागरिकांना मान, महानग गाव निघोजे ग्रामपंचायत येथे ज्येष्ठ नागरिक यांच्या हस्ते ध्वजारोहण.
प्रजासत्ताक दिन संपूर्ण देशात उत्साहात साजरा करण्यात य आला ग्रामपंचायतच्या सरपंचानी घेतलेल्या क्रांतिकारक निर्णयाने संपूर्ण गावाला सुखद धक्का दिलाय.
खेड तालुक्यातील निघोजे गावातील ज्येष्ठ नागरिकांच्या हस्ते ग्रामपंचायत कार्यालयात मुख्य ध्वजारोहण करण्याचा निर्णय सरपंच सुनीता येळवंडे यांनी घेतला. प्रजासत्ताक दिनाचे औचित्य साधून गावातील ज्येष्ठ नागरिक किसनराव गेणु जामदार/गंगुबाई किसनराव जामदार ,भागोजी काशिनाथ येळवंडे/कृष्णाबाई भागुजी येळवंडे,अनंत जयवंत येळवंडे/हिराबाई अनंतराव येळवंडे, न्यायाधीश गोरक्ष नानाभाऊ लंगे /तेजश्री गोरक्ष लंगे, कोंडी भाऊ गंगाराम गायकवाड/इंदुबाई कोंडी भाऊ गायकवाड,लक्ष्मणराव महादू थिगळे/सगुनाबाई लक्ष्मण थिगळे,एकनाथ शंकर अल्हाट /सत्यभामा एकनाथ आल्हाट,प्रभाकर मल्हार फडके (सरदार)/अलका प्रभाकर फडके, सुभाष बबन येळवंडे(कारभारी) मुक्ताबाई सुभाष येळवंडे, कोंडीबा रामभाऊ येळवंडे यांच्या हस्ते ध्वजारोहणाचा कार्यक्रम पार पाडण्यात आला. ध्वजारोहण होताच उपस्थितांनी आनंद साजरा केला.
खेड तालुक्यातील निघोजे गाव. विविध उपक्रम राबविणारे गाव, अशी या निघोजे गावाची ओळख आहे. अनेकदा या गावांनी आगळे वेगळे कार्यक्रम सादर करून एक आदर्श करुन दिलेला आहे. प्रजासत्ताक दिन संपूर्ण ददेशात मोठ्या उत्साहात साजरा केला जातोय.अशावेळी निघोजे येथील ग्रामपंचायत सरपंच सुनीता येळवंडे यांनी प्रजासत्ताक दिनाचा सोहळा प्रेरणादायी करण्याचे नियोजन केले.गावातील ज्येष्ठ नागरिकांना सामूहिक ध्वजारोहणाचा मान देण्याचा निर्णय घेतला. ग्रामपंचायत कार्यालय येथे त्यांच्या हस्ते ध्वजारोहण करण्यात आले. यादरम्यान मान्यवरांच्या हस्ते जेष्ठ नागरिकांचा शाल श्रीफळ देऊन सत्कार पण करण्यात आला.
यावेळी ग्रामपंचायत सरपंच, उपसरपंच, सर्व सदस्य, ग्रामस्थ, मान्यवर आदि मोठ्या संख्येत उपस्थित होते ज्येष्ठ जेष्ठांच्या हस्ते ग्रामपंचायत कार्यालयातील मुख्य ध्वजारोहण होत असल्याचे बघून गावकऱ्यांनाही आनंदोत्सवाचा सुखद धक्का बसला. परिसरात जरी औद्योगिकीकरण वाढले असले ग्रामीण भागातील ज्येष्ठ नागरिकांना किती सन्मान मिळतो, याची जाणीव आताच्या पिढीला कळावी. या हेतूने हा निर्णय सरपंच महोदयांनी घेतला व त्याचे गावभर स्वागत झाले असून निघोजे गावात घेतलेल्या या परिवर्तनीय उपक्रमाची जिल्हाभर सकारात्मक चर्चा सुरू झाली आहे
![](https://satyavichar.in/wp-content/uploads/2024/01/IMG-20240127-WA0075-1024x768.jpg)