भोसे येथील मॉडर्न शैक्षणिक संकुलात वारी साक्षरतेची उपक्रमाचे आयोजन
![](https://satyavichar.in/wp-content/uploads/2024/07/1000530811-1024x768.jpg)
सत्यविचार न्यूज :
भोसे ( ता. खेड ) प्रौढ शिक्षणाऐवजी ‘सर्वांसाठी शिक्षण’अशी संज्ञा वापरात आणून केंद्र शासनाने सन २०२२ ते २०२७ या कालावधीसाठी उल्लास नव भारत साक्षरता अभियान सुरू केले आहे.
या नव भारत साक्षरता अभियाना अंतर्गत मॉडर्न हायस्कूल व कनिष्ठ महाविद्यालय भोसे प्रशालेमध्ये वारी साक्षरतेची या उपक्रमाचे आयोजन करण्यात आले होते. अशी माहिती महाविद्यालयाच्या प्राचार्या सीमा कुळधरण यांनी दिली.
वारकऱ्यांच्या वेशभूषेतील विद्यार्थी आणि विठू नामाचा गजर अशा भक्तीमय वातावरणात नवभारत साक्षरता अभियानांतर्ग शिक्षणाची वारी पार पडली. ” गेले सांगून ज्ञाना – तुका , झाला उशीर तरीही शिका ” , सर्वांसाठी शिक्षण स्वावलंबनाचा मार्ग,सर्वांसाठी शिक्षण हा समृद्ध आणि आनंदी जीवनाचा पाया ,अक्षर शिकूया जग बदलूया असे घोष फलक घेऊन प्रशालेतील विद्यार्थी , शिक्षक व शिक्षकेतर कर्मचारी सहभागी झाले होते.
या स्तुत्य उपक्रमाचे प्रोग्रेसिव्ह एज्युकेशन सोसायटीचे कार्याध्यक्ष डॉ गजानन एकबोटे , कार्यवाह शामकांत देशमुख , सहकार्यवाह ज्योत्सना एकबोटे , शाळा समिती अध्यक्ष सुरेश तोडकर ,व्हिजीटर उद्धव खरे, पालक संघाचे उपाध्यक्ष रमेश लोणारी ,भोसे ग्रामपंचायतीचे सरपंच विजय काळे , ग्रामविकास अधिकारी बाळासाहेब बिंदले व सर्व ग्रामपंचायत सदस्य यांनी कौतुक केले.
![](https://satyavichar.in/wp-content/uploads/2024/07/1000530808-1024x768.jpg)