खेड येथे शुक्रवारी महिलांसाठी मोफत आरोग्य तपासणी शिबिर,
चाकण : प्रतिनिधी
चाकण येथील डॉ. अरगडे हॉस्पिटल व ब्राह्मण सभा यांच्या संयुक्त विद्यमाने खेड येथे शुक्रवारी (दि.२८ जून) महिलांसाठी मार्गदर्शन सत्र व मोफत आरोग्य तपासणी शिबिर आयोजित करण्यात आले आहे. प्रसिद्ध स्त्रीरोग तज्ञ डॉक्टर असित आरगडे हे ” महिलांचे आरोग्य व गर्भाशय मुखाचा कर्करोग ” या विषयावर मार्गदर्शन करणार आहेत.
राजगुरुनगरच्या ब्राह्मण सभेच्या वतीने आणि चाकण येथील डॉक्टर आरगडे हॉस्पिटल यांच्या विशेष सहकार्याने खेड येथील ब्राह्मण आळीतील देशपांडे वाडा येथे शुक्रवारी सकाळी दहा ते दुपारी दोन या वेळात या मोफत आरोग्य तपासणी शिबिराचे आयोजन करण्यात आले आहे. डॉक्टर असित आरगडे हे महिलांची मोफत आरोग्य तपासणी करून मार्गदर्शन करणार आहेत. या आरोग्य तपासणी शिबिराचा गरजू महिलांनी लाभ घ्यावा, असे आव्हान ब्राह्मण सभेच्या वतीने करण्यात आले आहे.
